Herlene Budol, Mark Herras, Ai Ai, Boobay, Arnell hataw sa Star Sinemax

Ery Gushi at ang cast ng ‘Guardian Baby’ at ‘Haunted Bride’

BONGGA ang naganap na launching para sa pinakabagong platform sa mundo ng digital entertainment, ang Star Sinemax. 

Ito’y naglalayong maghatid ng world-class entertainment sa mga manonood sa Pilipinas at maging sa iba’t ibang panig ng mundo.

Bukod sa pagbibigay ng premium films at original content, layunin din ng Star Sinemax na maging tahanan ng mga filmmaker, producer, at content creator na nais maiparating ang kanilang mga kuwento sa mas malawak na audience.

Sa pamamagitan ng nasabing platform, inaasahang mas maraming Filipino talents ang magkakaroon ng pagkakataong makilala sa international scene.

Sa ginanap na launching event, ibinahagi ni Star Sinemax President at Chief Executive Officer Ery Gushi ang kanyang pananaw para sa kumpanya. 

Binigyang-diin niya ang hangarin ng Star Sinemax na makapaghatid ng de-kalidad na entertainment habang patuloy na sumusuporta sa mga storyteller at creative talents na may mga kuwentong karapat-dapat mapanood ng mas maraming tao.

Nag-aalok ang Star Sinemax ng iba’t ibang pelikula at original productions na maaaring panoorin anumang oras at saanman. 

Tampok din sa platform ang ilan sa mga kilalang personalidad sa industriya ng showbiz, kabilang sina Ai Ai delas Alas, Mark Herras, Jeric Gonzales, Herlene Budol, Boobay, Mon Confiado, Yasser Marta, at Arnell Ignacio.

May mapagpipilian ding iba’t ibang genre ang mga subscriber—mula sa Sexy/Mature, LGBTQ+, hanggang sa Wholesome o General Audience films—upang matugunan ang magkakaibang panlasa ng mga manonood.

Mga paparating na pelikula sa Star Sinemax:

SEXT/MATURE

Dalisay

Piring, Sadista

Lihim ni Fiona

Sariwa

Liwaliw

Hayok

Humaling

LGBTQ+

White Prince

Shared Moments

The Sign

Stepmother

GL Forever

Ari and Janna

The Gap

By Some Miracle

WHOLESOME/GENERAL AUDIENCE

Guardian Baby

Haunted Bride

Justice of Love

Oni

Kiss of An Angel

Budoleras

The Invitation

Worlds Apart

Mudra Bampira

Bilang bahagi ng unang wave ng mga handog nito, ipinalabas na noong June 26 ang mga pelikulang “Portrait of Us” at “My Guardian Baby.” 

Inaasahan ding mas marami pang pelikula at orihinal na produksyon ang ilalabas ng Star Sinemax sa mga susunod na buwan.

Para sa pinakabagong balita, official trailers, at kumpletong listahan ng mga pelikulang mapapanood, bisitahin ang opisyal na Facebook page ng Star Sinemax.

The post Herlene Budol, Mark Herras, Ai Ai, Boobay, Arnell hataw sa Star Sinemax appeared first on Bandera.

Source: The Daily Feed