PUMANAW na ang iconic at award-winning Welsh singer na si Bonnie Tyler nitong nagdaang July 8. Siya ay 75 years old.
Namaalam si Bonnie, o Gaynor Hopkins sa tunay na buhay, na siyang nagpasikat ng classic hit na “Total Eclipse of the Heart”, sa Faro, Portugal.
Ibinahagi ng pamilya ni Bonnie ang malungkot na balita sa pamamagitan ng social media ngayong araw, July 9.
“Bonnie’s family and team are heartbroken to announce that Bonnie unexpectedly passed away last night in hospital in Portugal as a result of the illness that she was being treated for.
“We will issue a further statement shortly but for now ask for privacy to deal with this tragedy,” ayon pa sa pamilya ng veteran singer.
Matatandaang noong May 7, nang mabalitang nasa kritikal na kundisyon si Bonnie nang isugod siya sa isang ospital sa Faro, Portugal, dahil sa emergency intestinal surgery.
Kasunod nito, nanawagan ang pamilya ni Bonnie na patuloy na ipagdasal ang singer na hindi na comatose pero nasa intensive care unit pa rin ng ospital.
“We are pleased to share that Bonnie is no longer in a coma, but remains very unwell and in intensive care in hospital in Portugal.
“We would like to thank everyone for the huge outpouring of love and support from all over the world that we have received for Bonnie and want to tell you that she is aware of, and very grateful for, your good wishes.”
Nag-celebrate pa ng kanyang 75th birthday si Bonnie last June 8 sa loob ng ospital habang patuloy na sumasailim noon sa gamutan.
Ilan sa mga pinasikat niyang kanta ay ang videoke favorite na “Total Eclipse of the Heart,” “Holding Out for a Hero,” at “It’s a Heartache.”
Nadiskubre siya ng isang talent scout habang kumakanta sa isang nightclub sa Swansea, South Wales. Nagmarka si Bonnie dahil sa kanyang husky voice.
Naulila ng singer ang kanyang asawa na si Robert Sullivan.
The post Bonnie Tyler, ‘Total Eclipse of the Heart’ singer pumanaw na sa edad 75 appeared first on Bandera.
Source: The Daily Feed
Post a Comment
0 Comments