MULA sa pop-rock icons hanggang sa drag performers at mga industry trailblazers, ipagdiriwang ng Lilet Fair ang kababaihan sa harap at likod ng entablado!
Kahit malaki ang kontribusyon ng kababaihan sa industriya ng entertainment, hindi maikakaila na patuloy silang nakakaranas ng hamon mula sa diskriminasyon, stereotyping, hanggang sa kakulangan ng oportunidad sa production roles o leadership positions.
Bukod dito, madalas din silang maapektuhan ng pay inequity, harassment, at underrepresentation sa malalaking platforms, bagama’t malaki ang kapangyarihan nila bilang creative forces at culture shifters.
Ngayong Women’s Month, ibabandera ng GNN ang mga kababaihang nangunguna sa community building at creative expression, na nagbubukas ng bagong espasyo, lumilikha ng oportunidad para sa iba, at ginagamit ang kanilang platform para sa meaningful na pagbabago sa industriya at sa lipunan.
Baka Bet Mo: WATCH, NOW NA: Mga babae na ibinandera ang tibay, husay sa trabahong panlalaki
“The number of women behind the scenes remains relatively low,” pagbabahagi ni Marie Lara Pauline Bobier, GNN’s events director.
Patuloy niya, “While the music community is generally welcoming and respectful toward women, there are still instances in which they are made to feel that they must continually prove their credibility and competence in the field.”
“This celebration is not only about championing female practitioners in music and entertainment, but also about recognizing the female fans and pro-women advocates who actively support the local music scene,” aniya pa.
Sa Lilet Fair, asahan ang isang multi-format festival tampok ang outstanding at emerging talents sa music, art, comedy, improvisation, at drag.
Ang pangalan ng event ay hango sa iconic na Lilith Fair, isang all-female music festival na inorganisa ni Sarah McLachlan noong ‘90s.
“Lilet Fair is a women-centered music and creative space that amplifies not just performers, but the women working behind the scenes who power the industry,” sey ni Milley Habito, production head ng GNN.
Wika pa niya, “By creating intentional platforms like this, we foster representation, mentorship, and real opportunities, proving that when women are centered, the entire music community thrives.”
Headlining ng Lilet Fair ang ilan sa pinakamalalakas na pangalan sa local music scene: Barbie Almalbis, whose introspective songwriting at intricate guitar work ay naka-inspire ng maraming henerasyon ng Filipino singer-songwriters at bands.
Kasama rin sa lineup sina Clara Benin, syd hartha, Janine Berdin, August Wahh, Coeli, at Shanne Dandan.
Hindi lang music ang tampok, nandiyan din ang comedy duo na A II Z, all-female stand-up group na Lady Boses (Jeannie Lacay, Di Aaron, Khaye Asco), at drag performers M1SS Jade So at Inah Demons.
Bukod sa mga show-stopping performances, may mga activity at booths din na pinapatakbo ng kababaihan: Drafts Gift Shop (flowers), FiliFerniana (live art photobooth), Maan Simbajon (tattoo), Putik Friends (ceramics) at marami pang iba!
Bago ang main event, magkakaroon din ng panel discussion para sa women making waves sa independent music scene: Alex Majam (co-owner ng Jess & Pat’s), Bel Certeza (label head, EMI Records Philippines), Katrina Romero (manager, Over October), Kris Rocha (founder at music photographer, Neon Oven), at Ziera De Veyra (head, Funky Beat Entertainment).
Ang panel ay may title na “She Means Business: Women Paving The Way.”
Mark your calendars! Gaganapin ang Lilet Fair sa 123 Block, Mandaluyong City sa March 21, 3:00 p.m. onwards.
Tickets ay available online sa https://liletfair2026.helixpay.ph/ sa halagang P800 (Early Bird) at P900 (Regular).
The post Women’s Month 2026: Barbie, Clara, Janine, iba pa sanib-pwersa sa Lilet Fair appeared first on Bandera.
Source: The Daily Feed
Post a Comment
0 Comments