Carmina Villarroel, Zoren Legaspi solid pa rin: Hindi dapat mawala ang spark

Zoren Legaspi, Carmina Villarroel, Cassy at Mavy Legaspi

PARA kay Carmina Villarroel, wala talagang “magic formula” para tumagal ang pagsasama at pagmamahalan ng mag-asawa.

Mahigit 25 years nang magkarelasyon sina Carmina at Zoren Legaspi at isang dekada nang nagsasama bilang mag-asawa at going strong pa rin at solid na solid ang kanilang married life.

Sa interview ng “Hot Takes” kay Carmina, ibinandera niya sa madlang pipol kung paano nila napapanatiling “hot and exciting” ang kanilang relationship at bilang magulang na rin sa kambal nilang anak na sina Mavy at Cassy Legaspi.

“Siguro parang mukha siyang madali kasi pareho naming gusto ni Zoren na mag-work ‘yung relationship. Actually, effort naman kasi ‘yan, eh. 

“Dapat both parties, dapat effort ‘yan pero it comes naturally. Ayokong gamitin ‘yung word na effort purely kasi parang nag-eeffort ka eh, parang napipilitan ka. Pero sa amin ni Zoren, it comes naturally,” pagbabahagi ni Mina.

Pagpapatuloy niya, “Maybe because, given na ‘yung pagmamahal eh, the love is there, the trust, pero siguro dahil pareho naming gusto and we want this marriage to work, so it comes naturally.” 

“Saka siguro, importante na si God ‘yung nasa center ng relationship niyo kasi pag si God talaga ‘yung nasa center ng relationship niyo, kahit ano pang bagyo ang dumaan, kahit ano pang pagsubok, trials, o failures, ma-o-overcome ninyo ‘yan eh.” 

Baka Bet Mo: BB Gandanghari umaming hindi sila ‘magkaibigan’ ngayon ni Carmina

Dagdag pa niya, “Alam n’yo ‘yung effort na effortless? It comes naturally. Kasi ang hirap eh kapag pinipilit mo ‘yung sarili mo and at the same time, pinipilit mo ‘yung partner mo. 

“Kasi kapag may pilitan, ibig sabihin ‘ano ba ito ayaw na natin?’ Kasi may pilitan na nangyayari. Kaya ko sinasabi na it comes naturally. Because every day, it has to be like that. Every day, parang dapat you work on your relationship, you work on your marriage,” sey ni Carmina.

Napakahalaga rin aniya ang communication sa pamilya, “Kailangan bukas palagi ‘yung communication lines mo. I’m not saying that we’re perfect, but since kami, dahil very open ‘yung communication lines namin, we talk about anything under the sun, anytime of the day. 

“We’re very open kahit sa mga anak namin, so siguro ‘yun yung maganda sa amin,” dugtong ng aktres. 

At habang tumatagal daw ang relasyon ng mag-asawa, “Yung spark, dapat hindi mawala eh. I don’t believe na it fades, siguro parang it evolves.” 

“Hindi dapat mawala (yung spark). Nandiyan lang ‘yan. Nag-e-evolve sa iba’t ibang ways. Tapos siguro, ang maganda kasi, it takes two to tango. So kailangan talaga na you really work in your relationship?  

“Kung talagang gusto mo at nirerespeto mo ‘yung relationship na ‘yun, you’ll work on it every day. You don’t take it for granted,” saad ni Mina.

Patuloy pa ng aktres, “Sa stage na ng buhay namin, ng marriage namin, parang constant communication na lang talaga eh. 

“Like I said, that’s how we keep the relationship or spark na sinasabi nila. Just by being there, makipag-usap ka or you share hobbies together, or sports. Kung hindi mo man trip ‘yung hobbies niya, tanungin mo lang,” aniya pa.

The post Carmina Villarroel, Zoren Legaspi solid pa rin: Hindi dapat mawala ang spark appeared first on Bandera.

Source: The Daily Feed