Atasha Muhlach hinangaan ni Direk Millado, PETA sa audition ng ‘Annie Batungbakal’

PHOTO: Facebook/Full House Theater Company

FOLLOW-UP ito tungkol kay Atasha Muhlach na napiling title role sa “Bongga Ka ‘Day: The Annie Batungbakal” musical play na gaganapin sa Newport World Resorts hanggang September 18.

Nakuwestiyon kasi si Atasha ng isa sa nag-audition na si Rachel Libres na sa dalawang araw na open audition ay hindi niya nakita ang Viva artist kaya nagtataka siya kung dumaan nga ba sa audition ang anak nina Aga Muhlach at Charlene Gonzales-Muhlach.

Ang eksaktong sabi ni Rachel, “Hi! No hate po. Respectfully, I was there during the two-day casting process, and I didn’t see Atasha in either day’s auditions. Kaya sana huwag din nating i-disregard ang effort at hirap ng lahat ng pumila, naghintay, kumanta, at sumayaw para mabigyan ng pagkakataon. Kung may nangyaring hiwalay na audition o private casting, ibang usapan na iyon. Pero base sa mismong open auditions na dinaluhan ko, wala siya roon.”

At dahil sa hinaing ni Rachel ay naglabas ang Full House Theater Company ng mga larawan ni Atasha habang naggo-audition at kasama pa sina KD Estrada at John Lapus na nakilala namin.

Baka Bet Mo: Gimbey iginiit dumaan sa audition si Atasha; ABS-CBN YouTube may 55M subs na

Nagkwento rin ang direktor ng play na si Chris Millado sa kanyang Facebook post nu’ng nakaraang buwan kung ano ang itsura ni Atasha nang dumating sa audition.

“She walked in like nobody. Gym pants. Plain tee. Bare face. Ponytail. No entourage. No arte. Then the music hit. She caught the choreography on the first eight-count and slid into the song’s high notes like they were made for her. She matched the leading boys’ swoony charm and swagger. First impressions? Sometimes they bring their own invisible spotlight with them.”

Balik-tanaw ni Melvin Lee, presidente ng Philippine Educational Theater Association (PETA) nang makita niya ang dalaga.

“Atasha delivered a strong audition, showcasing solid singing, dancing, and stage presence. She displayed natural chemistry with the male actors and blended seamlessly with the ensemble of triple-threat theater performers,” he said. More importantly, she brought the charisma, warmth, and panache needed for Annie Batungbakal, with the charm and look to convincingly lead the production. Overall, she proved to be a strong choice for the role.”

Umabot nga raw sa 300 ang nago-audition kada araw sabi naman ni Gold Lim, PETA Plus Deputy Director.

“Andami-dami talagang nag-audition. Seeing Atasha being part of that audition, sobrang nakakatuwa. Pag nag-aaudition, siyempre maraming magaling, pero when you go on stage, especially with a stage like Newport, kailangan mo ng certain bigness, certain charm so that the audience will focus on you, and it was so fun to see Atasha do her auditions. Ang kengkoy niya, she knows her (songs).”

Bago naman dumating ang araw ng cast reveal ng “Bongga Ka ‘Day: The Annie Batungbakal” musical play ay inamin ni Atasha na sobrang nine-nerbyos siya sa bago niyang karakter na gagampanan dahil nga live ito at inaming inaral niya talaga ang karakter bilang si Annie Batungbakal.

The post Atasha Muhlach hinangaan ni Direk Millado, PETA sa audition ng ‘Annie Batungbakal’ appeared first on Bandera.

Source: The Daily Feed