Direk Cathy emosyonal sa presscon ng ‘last’ DonBelle movie: Ang damot ng trailer

Donny Pangilinan, Belle Mariano at Cathy Garcia-Sampana

BITIN na bitin ang members ng entertainment media sa ipinalabas na trailer ng “Tayo sa Wakas” starring Donny Pangilinan and Belle Mariano, directed by Cathy Garcia-Sampana.

Sa naganap na grand mediacon ng pelikulang sinasabing last project ng DonBelle “for now”, unang ipinasilip ang trailer ng movie at palakpakan ang lahat pagkatapos nito.

After nito, naging emosyonal nga sina Donny at Belle lalo’t ito na nga ang sinasabing huling project muna nila bilang magka-loveteam.

Kapansin-pansin din ang pagiging emosyonal ng kanilang direktor na si Direk Cathy sa pagsisimula ng presscon na magsisilbing comeback film niya after a while.

Sabi ni Donny, “We may not be working with each other in the near future. But, I’ll always be here.

“Sobrang proud lang ako sa ‘yo. And if they ask everyone here, you know, we have the first series, iyong An Inconvenient Love, I’ve really seen you grow since day one.

“Since we’ve met. And, I will always look up to you. Not figuratively. Literally pala,” sabi ng aktor.

Feeling grateful din si Donny na naging malaking bahagi si Belle ng kanyang exciting journey sa mundo ng showbiz.

“But in general, I’m just so, so blessed that I got to spend these last years with you. Yeah, I wouldn’t have it any other way. Thank you, Tink,” sey ni Donny.

Habang nagsasalita si Donny ay hinahawakan niya ang kamay ni Belle na tuluyan nang napaiyak.

“Ano ba iyan, ang babaw talaga ng luha ko. Sabi ko pa naman hindi ako iiyak. Ang dami kong gustong sabihin. Pero, siguro ngayon, I just wanna say thank you,” sey ng dalaga.

View this post on Instagram

A post shared by Bandera (@banderaphl)

“Thank you so much for the journey. For just being there. For the support. And, I respect you so much. And, ngayon pa lang, ang layo mo na, pero malayo ka pa. And, I’m just so proud of you. And, I’m so proud of the man you are now,” aniya pa.

Natanong naman ang DonBelle kung ang tumatakbo sa kanilang isipan nu’ng mga sandaling iyon lalo’t kagagaling lamang nila sa shooting ng movie bago sila dumalo sa presscon.

“It’s real. Nandito na tayo and we’re finally sharing a piece of our film. Because a lot of people have been wondering when we’ll be giving out snippets. 

“Kasi wala pa talaga, ‘di ba. So, we’re just very happy that finally we got to include this already,” ani Donny na ang tinutukoy ay ang ilang intimate scenes nila sabi ni Belle.

“And tama ka, Kuya Robs, galing kaming shoot. Para kaming nasa portal minsan. Papasok kami, magiging Cisco, Cheska, (mga karakter nila sa pelikula) tapos lalabas.

“Tapos ngayon kailangan namin mag-promote and babalik sa portal. So, it’s a lot of mixed emotions seeing this.

“And I’m just glad that we got to spend with this whole cast and everyone here sa press who’s been very supportive throughout me and Belle’s journey in all these years,” aniya pa.

Sagot naman ni Belle, “Siguro watching it, parang sabi ko, ‘oh my God. Ang hirap kumalas.’ Even after siguro matapos naming i-film itong movie. Ang hirap kumalas.

“But seeing it now, I’m just very excited talaga na mapanood ng lahat and makita nila iyong story ni Cisco at ni Cheska,” dugtong ng aktres.

Samantala, nang tanungin naman si Direk Cathy kung ano ang reaction niya sa trailer ng bago niyang obra, “Ako po talaga naatasang mag-react. Sabi ko, ayoko. But after watching, sabi ko, ‘ang damot. Ang damot ng trailer.’ 

“There is so much more in this film than meets the eye. Iyong nakita ninyo, sobra, sobrang ang damot talaga. Parang patikim and yet naramdaman ko.

“Naramdaman ko kung ano iyong gusto nating sabihin. But, iyon lang. Hindi nga ito trailer para sa akin. Para siyang teaser kasi talagang tini-tease kayo kasi there is so much more to it,” ani Direk Cathy.

Kasama rin sa cast ng pelikula sina Epy Quizon, Joross Gamboa, River Joseph, Jaime Fabregas, Epy Quizon, Yayo Aguilar, Allan Paule, Matthew Mendoza, Emilio Daez, June Hinundum, at Miah Canton. 

Samahan sina Cheska at Cisco sa kanilang paglalakbay sa “Tayo Sa Wakas,” na mapapanood na sa mga sinehan simula May 27.

Magkakaroon din ng global screenings ang “Tayo Sa Wakas (Us In The End)” sa Australia at New Zealand simula Hunyo 11, sa US, Canada, at Guam simula Hunyo 12, at sa Hong Kong at Macau simula Hunyo 20. Magkakaroon din ito ng screenings sa mga sinehan sa Middle East, Singapore,  Malaysia, at Taiwan. 

The post Direk Cathy emosyonal sa presscon ng ‘last’ DonBelle movie: Ang damot ng trailer appeared first on Bandera.

Source: The Daily Feed