WALANG oras ang Kapuso actor-host na si Michael Sager pagdating sa lovelife kaya hanggang ngayon ay single pa rin siya.
Naka-focus daw ngayon ang Filipino-Canadian actor sa kanyang pagtatrabaho lalo’t napakaraming opportunities ang dumarating sa kanyang showbiz career.
“You know, I’m 23. I’m young and as much as I want to really love, wala talagang oras, e,” ang pahayag ni Michael sa panayam ng media sa grand presscon ng horror movie na “Huwag Kang Titingin.”
“Siguro ang priority ko ngayon, kung dumating man siya at kaya na maintindihan yung schedule ko, yung buhay ko ngayon, I will give it.
“But at the same time, talagang hindi yun yung focus, e, yung priority. Talagang ang importante for me, to just stay focused and ayun. Yung love life, hopefully, it comes.
“I always pray because sometimes we get lonely, di ba? And masaya din na may kasama ka. So far, I am single and masaya ang puso,” pagbabahagi pa ni Michael.
“No dating so far. And I’m single, yes,” aniya pa.
Natanong din si Michael tungkol sa kapwa Kapuso actress na si Cassy Legaspi na nali-link ngayon sa kanya.
“Pinagpapawisan na ako,” natawang sabi ng binata. “Well, ano naman po kami, we always try to talk and…”
Nagkikita pa naman daw sila ni Cassy, “Yeah, I mean, once in a while, nakita ko siya sa MMFF (Metro Manila Film Festival 2025). Congratulated with all her success and, yeah, napakaganda, di ba?
“I mean, she’s beautiful. She’s really looking good and I’m happy for her…friends pa din,” sabi pa niya.
Samantala, bukod sa “Born To Shine”, kasama rin si Michael sa cast ng “Huwag Kang Titingin” with Sofia Pablo, Allen Ansay, Marco Masa, Charlie Fleming, Kira Balinger, Josh Ford, Sean Lucas, at Shuvee Etrata, at Anthony Constantino.
Showing na ang “Huwag Kang Titingin” sa mga sinehan simula sa April 15, 2026, produced by GMA Pictures and Mentorque Productions and directed by Frasco Mortiz.
The post Michael Sager walang lovelife, single pa rin: Wala talagang oras! appeared first on Bandera.
Source: The Daily Feed
Post a Comment
0 Comments