Sarah G hinarang ng sekyu sa concert ni Billie Eilish, inakalang nagdala ng alak

PHOTO: Facebook/Matteo Guidicelli

TILA muntikan nang hindi makapasok sa concert ni Billie Eilish ang Popstar Royalty na si Sarah Geronimo na ginanap sa England.

Sa Facebook Reel na ibinandera ng kanyang mister na si Matteo Guidicelli, makikita na very excited pa ang mag-asawa habang papunta sa entrance ng O2 Arena na nasa London.

Mapapanood din na pumila sila bago tuluyang makapasok sa venue, pero nang inspeksyunin ang bag ni Sarah ay tila hinarang siya ng security guard.

Nang tanungin kasi siya kung ano ‘yung laman ng nasa light blue na small bottle, ang sagot ni Sarah ay “alcohol.”

Baka Bet Mo: Klarisse naiinggit noon kina Sarah G, Morissette: ‘Kasabayan ko pero bongga ng career’

Pero ang pagkakaintindi ng guard ay alak ito kaya hindi siya agad pinadaan at sinabihan siya na, “It’s not allowed.”

To the rescue naman agad ang kanyang mister at nilinaw sa sekyu na ito ay para sa kamay: “It’s hands sanitizer.”

Dahil diyan, pinayagan na silang pumasok at tagumpay silang nagpaka-fan mode habang nanonood sa performance ni Billie.

Ang caption pa nga ni Matteo sa kanyang post, “Flew in just for the night to catch her live and it was worth every mile.”

Pagpupuri pa niya sa international singer, “She owned that stage. Commanding, electric, and totally in control. Inspiring to witness!! And the best part was she was so grateful to the audience and her team!”

Nabanggit din ni Matteo ang slight aberya na na-encounter nila, “Also… almost got in trouble for bringing in ‘alcohol.’ Relax, it was just Green Cross [laughing emojis].”

Kasunod niyan ay bigla siyang sumegway at nag-manifest na magkaroon ng collab sina Sarah G at Billie.

“But here’s a thought: What if we saw a Sarah G x Billie Eilish collab someday? Now that would be wild,” ani pa ni Matteo.

<iframe src="https://www.facebook.com/plugins/post.php?href=https%3A%2F%2Fwww.facebook.com%2Freel%2F1771640544232163&width=500&show_text=true&height=755&appId" width="500" height="755" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Sa comment section, maraming netizens at fans ang pinuri si Sarah G dahil sa pagiging humble niya sa gitna ng pagsita sa kanya ng sekyu, pati na rin ang pag-rescue ni Matteo sa kanya.

Narito ang ilan sa mga nabasa namin:

“People didn’t know that the simple woman is a Superstar and a legendary Popstar in Philippine Music. That’s how simple and humble Queen Sarah is, the reason why a lot of Filipinos love her.”

“Sobrang simple niya talaga pag nag-a-out of the country sila. Akala mo hindi artista sa Pinas! Natawa naman ako sa alcohol [laughing emoji]”

“I love how Matteo saved Sarah from the security with her green cross…you can see the love and his protection towards Sarah and dead stare on that man.”

“Sarah G- even though she’s a famous singer, she’s incredibly down-to-earth and stays humble!!”

“Filipino talaga ang sagot ni Sarah: alcohol. Buti na lang nagsabi hand sanitizer si Matteo hehe super CUTE niyo talaga! I’m a fan of this couple [red heart emojis]”

The post Sarah G hinarang ng sekyu sa concert ni Billie Eilish, inakalang nagdala ng alak appeared first on Bandera.

Source: The Daily Feed