Mon Tulfo ibinuking ‘scripted’ umano putukan sa Senado; Cayetano tinawag na bading

Ramon Tulfo, Senate President Alan Peter Cayetano

MISTULANG eksena sa pelikula ang umano’y nangyaring tensyon sa loob ng Senado matapos mapabalitang may putukan habang nandoon si Sen. Ronald “Bato” dela Rosa, na nais ipaaresto ng International Criminal Court (ICC).

Sa isang Facebook post, ibinandera ng beteranong mamamahayag at kolumnista na si Mon Tulfo ang ilang detalye hinggil sa umano’y “tunay na nangyari” sa insidente base raw sa impormasyon mula sa kanyang source na tinawag niyang “tweety bird.”

Ayon kay Tulfo, hindi umano mga tauhan ng National Bureau of Investigation (NBI) ang nagpaputok ng baril kundi mismong mga tauhan ng Senate sergeant-at-arms sa ilalim ng pamumuno ni Mao Aplasca.

“The 37 shots fired came from personnel of the Senate sergeant-at-arms under Mao Aplasca,” sey ni Tulfo. 

Baka Bet Mo: Paglilinaw ni Cayetano: ‘We’re protecting the sanctity of Senate, hindi si Bato!’

Giit niya, “No shots were fired by NBI agents.”

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fisumbongmo.kaytulfo.5%2Fposts%2Fpfbid02oEf24vqPJnZ7Fr9MLT9BJ96GGLj9JN3dtTYo9eUktAQf9dKBh97ZT771VChmM8Ehl&show_text=true&width=500" width="500" height="239" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>

Dagdag pa ng mamamahayag, isiniwalat umano ng kanyang source na magkaklase sa Philippine Military Academy (PMA) sina Aplasca at Bato.

Mas lalo pang naging kontrobersyal ang mga sumunod na pahayag ni Tulfo matapos niyang sabihin na umano’y planado ang nangyari sa Senado.

“Senate President Alan Peter Cayetano and, of course, fugitive of justice Sen. Bato staged the commotion,” sambit niya.

“They wanted to gain public sympathy and call on the stupid DDS to gather outside the Senate,” dagdag pa niya.

Binanggit din ni Tulfo ang isyu ng impeachment ni Sara Duterte: Ayaw rin ni Cayetano na matuloy ang impeachment ni VP Sara kaya gumawa siya ng scenario, ayon sa aking tweet-tweet.”

Sa huli, may pahabol pang pahayag si Tulfo na lalong pinag-usapan online.

“Basta bading madrama, sabi ni tweety bird,” pagtatapos niya.

The post Mon Tulfo ibinuking ‘scripted’ umano putukan sa Senado; Cayetano tinawag na bading appeared first on Bandera.

Source: The Daily Feed