Jake Cuenca matagal nang crush si Rabiya Mateo bago naging dyowa; paano pinormahan?

PHOTO: Instagram/@juancarloscuenca

INAMIN ni Jake Cuenca na noong nagpunta lang sila ni Rabiya Mateo sa Hong Kong ay doon pa lang niya ito tinanong kung pwede niyang maging girlfriend at sinagot naman ng “yes” pagkalipas nang tatlong buwan nilang pagdi-date.

Ito ang ipinagtapat ng aktor sa panayam niya sa “Fast Talk with Boy Abunda” kamakailan.

“Kami na! I’m really, really proud to say it. She’s an amazing woman, incredible woman (very nice woman sey ni Boy) super and very intelligent,” pag-amin ng aktor.

Paano nga ba nagkakilala sina Jake at Rabiya?

Baka Bet Mo: Jake Cuenca 6 years nang hindi tumotoma ng alak: I’ve given it up!

“I admit ano..I sent DM (direct message) in social media kasi sabi ko how else magko-cross ‘yung paths namin, we’re two different networks,” saad ni Jake.

Tinanong kung interesado siya sa dalaga at inaming matagal na niyang crush ang dating beauty queen.

“She’s always definitely been a crush of mine and once tinapos ko ‘yung dalawang programa ko, once I was able to finish my responsibilities, I had to shoot my shot and I messaged her on social media,” masayang kwento ng binata.

Bukod sa direct message ay nila-like ng aktor ang ilang larawan ni Rabiya at sabay follow na rin nito at nagulat si Jake dahil nag-follow back naman ang dalaga at doon na nagsimula ang kanilang pag-uusap.

Ang nagustuhang katangian ni Jake kay Rabiya ay, “Her dedication. I always tell her this na in this world of show business, we’re all like wanting to stay. We’re giving all our best and we’re all like thriving, always doing our best. She’s the person who’s willing to walk away from it and go to med school and I find that very remarkable. She just made it to UST med school, arguably the best med school in our country. For me, I’m very proud of her.”

Aabutin ng apat na taon si Rabiya sa pag-aaral ng medisina o higit pa kapag itinuloy ito ang specialized residency training.

“So I find it, for me, parang contrast, na ako sobrang passionate about show business and I’ve been here for 25 years. I find it very refreshing na kaya niyang gawin ‘yun. I find it very admirable na ide-dedicate niya ang sarili niya dito, this is going to be a long road in med school and I really find it admirable na gagawin niya ito especially in a world na everyone around us, everyone’s always trying to look for the fastest way or a shortcut. This way, she’s going to go the long way,” pahayag ng proud boyfriend ni Rabiya.

Sabi naman ni Kuya Boy, “Rabiya if you’re watching, Bravo!”

Masaya ang nararamdaman ngayon ni Jake bilang karelasyon ni Rabiya at kaya niya niyaya ng Hong Kong ang dalaga ay dahil ninenerbyos ito dahil nasa waiting list muna siya sa med at para mawala ang stress ay niyaya nga niya ito sa nasabing bansa para mag-Disneyland.

“Maybe if we go to Disneyland we are on the right frequency and I believe na if you’re in the right frequency of happiness you’re gonna manifest your dreams, then tito Boy it happened in Disneyland, nagkatotoo ang sinabi ko, she got a text and nervous to open it and then she got it,” nakangiting kwento ni Jake.

Unforgettable ang Hong Kong trip ng dalawa dahil, “Doon ko siya tinanong to be my girlfriend, we’re dating for three months and finally I asked her to be my girlfriend officially.”

Kakaiba raw sa lahat ng mga naka-date ni Jake si Rabiya dahil base sa nakikita niya at pakiramdam ay nakikita niyang ang dalaga na ang end game niya.

“I can see that. I don’t want to spoil it, ayaw kong magsalita nang ganoon but definitely with her I can really see it.

“I’m trying to be a responsible boyfriend and my promise to her is loyalty because that’s the most important thing to her, so, for me loyalty and respect but the most part was she brings out the best part in me, brings out the kid in me, bring out the kid with each other, we have so much fun,” nakangiting sabi ng aktor.

The post Jake Cuenca matagal nang crush si Rabiya Mateo bago naging dyowa; paano pinormahan? appeared first on Bandera.

Source: The Daily Feed