OPISYAL na tinanggap ng Sparkle GMA Artist Center ang kanilang pinakabagong talents sa isang contract signing event kamakailan.
Naging isa na namang mahalagang tagumpay ito para sa Sparkle dahil opisyal nang sumali sa Status by Sparkle ang content creators at personalities na sina Nicole Fortuna at Baninay Bautista.
Pormal namang naging bahagi ng Sparkle roster ang aktor at television personality na si Kobie Brown.
Dumalo sa signing ceremony sina GMA Network Senior Vice President for Programming, Talent Management, Worldwide, and Support Group, at President at CEO ng GMA Films na si Atty. Annette Gozon-Valdes; Sparkle First Vice President Joy Marcelo; Sparkle Senior Assistant Vice President for Talent Sales, Branding, and Marketing Anne Puno-Ignacio; Assistant Vice President for Talent Recruitment and Development Jenny Donato; Assistant Vice President for Sales and Marketing Renze Banawa; Assistant Vice Presidents for Talent Management na sina Vic del Rosario Jr. at Tracy Garcia; at Sparkle Consultant Lawrence Tan.
Pinangunahan ni Meghan Dionisio ang programa na nagbigay-diin sa patuloy na paglaki at pagiging iba-iba ng mga talento sa ilalim ng Sparkle.
Ang unang featured signee ay si Nicole Fortuna, isang Filipina-British content creator na kilala sa kanyang relatable at feel-good videos tungkol sa pag-aadjust niya sa buhay sa Pilipinas matapos lumaki sa England.
Sumunod namang lumagda si Baninay Bautista, na kilala dahil sa kanyang masiglang personalidad bilang vlogger, host, live streamer, at dating housemate ng “Pinoy Big Brother.”
Sa huling contract signing ay tampok si Kobie Brown, na sumikat matapos sumali sa “Pinoy Big Brother: Connect” kung saan nagtapos siya bilang Third Big Placer.
Opisyal na sumali si Kobie sa Sparkle kasama ang kanyang talent manager na si Vic del Rosario Jr., pati na rin ang mga kinatawan mula sa Cornerstone Entertainment kabilang sina President Erickson Raymundo at Vice President Jeffrey Vadillo.
Nagtapos ang event sa taos-pusong mensahe nina Kobie, Baninay, at Nicole, kung saan ibinahagi nila ang kanilang pasasalamat sa pagiging bahagi ng Sparkle family at ang kanilang pananabik sa mga kapana-panabik na oportunidad na naghihintay sa kanila.
Habang patuloy na pinalalawak ng Sparkle ang roster nito ng mga dynamic na talento, ipinakikita ng pagpirma nina Kobie Brown, Baninay, at Nicole ang dedikasyon ng kumpanya sa paghubog ng mga artista mula sa iba’t ibang plataporma at pinanggalingan, na magbubukas ng mas marami pang exciting na proyekto para sa mga Kapuso audience sa buong mundo.
The post Kobie Brown, Baninay Bautista, Nicole Fortuna pasok na sa Sparkle ng GMA appeared first on Bandera.
Source: The Daily Feed
Post a Comment
0 Comments