Piolo, Ejay, Kakai suportado si Rhea Tan bilang Balibago Rotary Club president

STAR-STUDDED ang naganap na 16th Induction and Turn-over Ceremonies ng Rotary Club of Balibago kung saan nanumpa si Beautederm CEO and founder Rhea Anicoche Tan bilang bagong presidente.

Talagang all-out ang support ng mga celebrity brand ambassador ng beauty kingdom ni Ms. Rei sa bago niyang mission bilang philanthropist.

Naganap ang event sa Hilton Clark Sun Valley Resort nitong nagdaang July 18 na dinaluhan din ng officers and members ng Rotary Club pati na ng mga miyembro ng entertainment media. 

Pinagkaguluhan ng mga bisita ang Ultimate Heartthrob na si Piolo Pascual na nag-perrorm on stage para haranahin ang mga Rotarian. Isa si Papa P sa mga sumuporta sa pagkakatalaga kay Miss Rei bilang presidente ng Rotary Club of Balibago para sa taong 2025-2026.

Bukod kay Piolo, present din sa bonggang event hosted by DJ JhaiHo, ang iba pang Beautederm ambassadors tulad nina nina Ejay Falcon, Alma Concepcion, Maricel Morales-Agoncillo, Rochelle Barrameda, Jimwell Stevens,  Josh Ford, Kakai Bautista, Kitkat, Gillian Vicencio, Thia Thomalla, Ervic Vijandre, Kimson Tan, Jojo Abellana, Anne Feo, Darla Sauler, at Pepita Curtis. 

At siyempre, naroon din ang supportive nanay ni Miss Rhea na si Mommy Pacita Anicoche, at mga anak niyang sina Adam Kenneth at Audrey Tan.

“This is a gathering of hearts and minds in service. The significance of the occasion will be determined not by the words and the lovely dresses, but by the fact that the Rotary Club of Balibago is fully prepared for community uplifting efforts. And I would like to share to you my three most favorite projects,” aniya.

“While we are proud of our position, we must use our privilege, voice, and  success to benefit others. 

“When you’re granted a seat at the table, let others sit beside you. Advocate for and beside them. Don’t leave anyone out, everyone belongs to everyone,” ang mensahe pa ni Miss Rei.

Tatlong proyekto ang nakatakdang gawin ng matagumpay na lady boss para sa Rotary Club of Balibago. Una na riyan ang “Rise Up, Glow Up” na ang major objective ay mabigyan ng beauty and wellness pampering ang 20 kabataan sa BeauteHaus Clinic.

Nandiyan din ang “Yes to Love” project kung saan limang piso sa bawat Beautederm product na mabebenta mula sa participating branches sa Beautederm Headquarters, Marquee Mall, SM Clark, at SM Baguio ay ido-donate sa End Polio campaign ng Rotary Club International.

Ang ikatlo ay ang “Contribeaut: Scholarship Grants for College Students” kung saan 10 estudyante mula sa Pampanga ang mabibigyan ng college scholarship. 

Nauna rito, nagsagawa rin ang team ni Ms. Rhea ng “Handog ng District 3790 sa Kabataan” kung saan nakasama naman ang Kapuso stars at Belle Dolls ambassadors na sina Ysabel Ortega at Miguel Tanfelix.

Tumulong sila sa pamamahagi ng hygiene kits, food mugs at school bags sa grade 3 students ng Sto. Domingo Integrated School.

Aside ftom Miss Rhea, kasama rin sa mga bagong officer ng Rotary Club of Balibago ang ilan sa mga pinagkakatiwalaan niyang empleyado – sina Mylene Timbol, Chona Lee, at Doreen Canyong.

The post Piolo, Ejay, Kakai suportado si Rhea Tan bilang Balibago Rotary Club president appeared first on Bandera.

Source: The Daily Feed