Sharon naloka kay Janice: Ang liit-liit na babae ang lakas sumampal!

Sharon Cuneta at Janice de Belen

NA-ENJOY ng mga manonood ang bardagulan at sampalan scenes nina Janice de Belen at Sharon Cuneta sa hit Prime Video series na “Saving Grace.”

Talagang abangers lagi ang mga nakasubaybay sa naturang Kapamilya drama series sa mga confrontation at “fight scenes” ng dalawang award-winning actress.

Ayon kay Janice, hinding-hindi niya makakalimutan ang naging experience niya working with the Megastar sa “Saving Grace” na mapapanood nga sa free TV pagkatapos ipalabas sa Prime.

Sa naganap na mediacon para sa “Saving Grace: The Untold Story” na magsisimula na sa primetime ng iba’t ibang Kapamilya platforms sa March 3, natanong sina Sharon at Janice about their intense scenes.

Baka Bet Mo: Andrea nakabawi ng ‘sampal’ kay Dimples: It’s my first time…What an honor!

Pareho raw na-enjoy ng dalawang aktres ang kanilang mga nakakalokang eksena sa serye, kabilang na ang matindi nilang sampalan na kailangang-kailangan daw sa kuwento.

Kuwento ni Janice, inabot daw ng three takes ang naturang eksena, “More than the preparation for the sampal, it’s the preparations of the lines na mas importante sa amin.”

 

View this post on Instagram

 

A post shared by Bandera (@banderaphl)

Hangga’t maaari raw ay ayaw na niyang paabutin sa take two o take three ang mga pisikalang eksena dahil totohanang sampal daw ang ginagawa nila sa “Saving Grace.”

“Kasi kapag may sampalan, gusto mo take one lang kasi nakakasakit ka eh. Wag na tayong umarte, minsan masakit talaga.

“Ang gusto mo hindi ka ma-take two kasi uulitin mo yun, masasaktan ka, masasaktan mo siya. You try and make sure that you give your best sa eksenang yun,” sey pa ni Janice.

Sey pa niya patungkol kay Sharon, “I was very happy to be working with Mega. She’s so professional kasi lalo na sa eksenang nagsampalan kami. It was fun working with her.

“Siyempre kahit paano alam kong maraming tao nakaabang na makita kaming magkasama. It was really good working with her,” dugtong pa ng aktres.

Ni-reveal naman ni Sharon na talagang malakas sumampal si Janice na ikinagulat niya nang bonggang-bongga.

“Ang liit-liit na babae ang lakas ng sampal,” ang natatawang chika ni Mega.

Kasama rin sa cast ng “Saving Grace: The Untold Story” sina Julia Montes, Jennica Garcia, Sam Milby, Christian Bables, Zia Grace at Elisse Joson, among others.

The post Sharon naloka kay Janice: Ang liit-liit na babae ang lakas sumampal! appeared first on Bandera.

Source: The Daily Feed