Sanhi ng pagkamatay ng K-Drama star na si Kim Sae Ron inilabas na

Kim Sae Ron

Trigger Warning: Mention of suicide

INILABAS na ng mga otoridad ang tunay na sanhi ng pagpanaw ng sikat na South Korean actress na si Kim Sae Ron.

Base sa report ng Seongdeong Police sa Seoul na inireport ng Yonhap News Agency, The New York Times at The Korea Times, namatay ang aktres dahil sa suicide.

Wala namang iniwang liham o anumang bagay si Kim Sae Ron hinggil sa kanyang pamamaalam. Siya ay 24 years old.

Natagpuan ang katawan ni Kim Sae Ron sa loob ng kanyang bahay sa Seoul ng isang kaibigan, na agad namang tumawag ng pulis noong February 16, 2025.

Ayon sa The Korea Times, walang senyales ng forced entry o foul play sa pagkamatay ng Korean star.

“During a regular briefing at the National Office of Investigation on Monday, officials stated that Kim’s death is presumed to be a suicide and will be handled as an unattended death case,” sabi sa ulat ng The Korea Times.

“We believe she made an extreme choice and plan to handle it as a suicide,” ayon naman sa isang police official sa Seoul.

Labis na naapektuhan ang career ni Kim Sae Ron nang maaresto siya dahil sa driving under the influence (DUI) noong 2022. Pinagmulta siya ng 20 million won o P860,480 ng korte dahil sa mga pinsala dulot ng insidente.

Baka Bet Mo: Open letter ni Kathryn Bernardo kay Ronaldo Valdez nakakaiyak: ‘You are the lolo I never had…I love you so much!’

Ipinagluksa ng ilang celebritiea sa Korea ang pagpanaw ng aktres kabilang na ang co-star niya sa “The Man From Nowehere” na si Won Bin.

Nakiramay din ang mga kapwa niya aktres na sina Han So Hee at Kim Bora, pati na sina Gong Myung, Ma Dong Seok, ang bandang FT Island, at sina MJ at Jinjin ng Astro.

Unang sumikat si Kim Sae Ron bilang child actress sa pelikulang “A Brand New Life” noong 2009. Taong 2010 naman nang umani siya ng papuri sa pelikulang “The Man From Nowhere” kasama ang aktor na si Won Bin.

Napanood din siya sa mga pelikulang “I Am Dad” (2011), “Barbie” (2012), “The Neighbor” (2012), “A Girl At My Door” (2014), “Manhole” (2014), “Snowy Road” (2017), at “The Villagers” (2018).

Narito naman ang ilan sa mga nagawa niyang K-drama: “Listen To My Heart” (2011), “Fashion King” (2012), “The Queen’s Classroom” (2013), “Hi! School: Love On” (2014), “Secret Healer” (2016), “Leverage (2019),” at “The Great Shaman Ga Doo-Shim” (2021).

Huli siyang napanood sa seryeng  “Bloodhounds” ng Netflix at dalawang pelikula pa ang natapos niya bago siya pumanaw, ang “Guitar Man” at “Everyday We Are.”

The post Sanhi ng pagkamatay ng K-Drama star na si Kim Sae Ron inilabas na appeared first on Bandera.

Source: The Daily Feed