MAY running joke pala sina Julia Montes at Kathryn Bernardo noong mga bata pa sila na sila ang magka-love team sa tatlong projects nila tulad ng “Mara Clara” (2010-2011); “Way Back Home” (2011,) at “Growing Up” (2011 – 2012).
Prior to this ay nagkasama na sila sa “Goin’ Bulilit” noong mga bata pa sila kaya ganu’n kalalim ang samahan nina Julia at Kathryn.
Ito ang nakwento ng aktres sa “Unplugged” YouTube channel ni Julius Babao nang dalawin sila sa taping ng “Sigabo” kamakailan.
“Sa isang interview nabanggit mo na ang kauna-unahang ka-loveteam mo si Kathryn Bernardo bago mo na-meet si Direk Coco (Martin),” tanong ni Julius.
Baka Bet Mo: Coco Martin, Julia Montes magpapakasal sa 2027, magkaka-baby uli!?
At pagkatapos nang mga nabanggit na proyekto ay hindi na ulit nagkasama sina Julia at Kathryn dahil pareho na silang naging busy dahil may kanya-kanya na silang ginagawa.
“Wala man lang talks para pagsamahin kayo muli?” tanong ni Julius.
“Naku pag nagkikita nga po kami ang sinasabi namin (sa isa’t isa), ‘Ano original loveteam, ano na? Sana po magkaroon ng magandang project at magandang opportunity para magsama kami,” saad ni Julia.
Sabi rin ni Julius sana ay magkaroon ng chance at nakwento rin ni Julia na masarap ka-work ang original loveteam niya dahil mabait, magaling, at ito lang ang na-experience niya na nagkaroon siya ng totoong kaibigan sa showbiz.
“Kasi po nu’ng time na ‘yun lagi kaming pinagbabangga dahil Mara Clara pero never talaga pumasok sa amin ‘yung (isyu) para kaming magkapatid, si Tita Mhin (Bernardo) kung ituring ako para akong anak kaya talagang nagkaroon kami ng instant family within sa mga trabahong ginagawa po namin,” balik-tanaw ni Julia habang nakikinig si Coco sa tabi niya.
<iframe width="560" height="315" src="https://www.youtube.com/embed/csFlf5qF9t8?si=i0BCBQ1pFki1rMNj" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Ang maganda pa sa samahan nina Kath at Juls ay hindi sila nawalan ng komunikasyon kahit na hindi sila nagkikita.
“Kahit busy po sa trabaho pag may opportunity nakakapag-usap naman kami tsaka pag nagkikita po kami parang kailan lang,” masayang sabi ng aktres.
“So open ka in case may project for you guys,” kaswal na tanong ni Julius.
“Opo, it’s a dream project ko po,” nakangiting tugon ni Julia.
Natanong naman ni Julius si Coco kung naka-partner na niya si Kathryn at kaagad nagsabing hindi.
Tumawang hirit ni Julia, “Dream project po namin.”
At para matuloy bakit hindi na lang CCM Productions ang mag-produce ng dream project o reunion nina Julia at Kathryn?
The post Julia Montes wish makatrabaho muli si Kathryn Bernardo: Dream project ko po! appeared first on Bandera.
Source: The Daily Feed
Post a Comment
0 Comments