Kyle Echarri feeling anak ni Janice; best actor award inialay kay Deo Edrinal

Janice de Belen at Kyle Echarri

MAS naging motivated ngayong magtrabaho ang Kapamilya actor-singer na si Kyle Echarri matapos matanggap ang kanyang first best actor award.

Nagwaging Best Actor si Kyle sa 21st Gawad Tanglaw Awards para sa natatangi niyang pagganap bilang Moises sa kapamilya series na “Pamilya Sagrado.”

“It adds more fuel to the fire. Nakakataba ng puso. It is not something I am used to. It’s my first time and I don’t know how to process it. But I’m super grateful for the recognition,” ang pahayag ni Kyle sa panayam ng ABS-CBN.

Inialay naman ni Kyle ang natanggap na parangal sa yumaong Dreamscape Entertainment head nansi Deo Endrinal na siyang nasa likod ng pagbuo ng “Pamilya Sagrado” noong nabubuhay pa ito.

“I owe it all to the late Sir Deo Edrinal. For those who don’t know, this was the last project he was able to green-light before he passed,” mensahe ni Kyle.

Samantala, pagkatapos nga ng “Pamilya Sagrado”, muling bibida si Kyle sa latest ABS-CBN series na “Roja” kung saan muling masusukat ang kanyang versatility as an actor.

“I’m excited now for ‘Roja’. Everything I learned, dadalhin ko rito,” ani Kyle.

Makakasama ng premyadong aktor sa “Roja” sina Donny Pangilinan, Maymay Entrata, Janice de Belen, Lorna Tolentino, Kai Montinola, Raymond Bagatsing at Joel Torre.

Kabilang din sa cast sina Sandy Andolong, Robert Seña, Nikki Valdez, Cris Villanueva, Zia Grace, Bernard Palanca, Marc Abaya, Gello Marquez, Harvey Bautista, Lou Yanong, Kobie Brown, Benedict Cua, Iñigo Jose, Maika Rivera, AC Bonifacio, Emilio Daez, Xilhouete, Kai Montinola, Rubi Rubi, Sophie Reyes, Rikki Mae Davao, Inka Magnaye, Vangie Castillo, Levi Ignacio, Floyd Tena, Rans Rifol, Igi Boy Flores, at Raven Molina.

Samantala sa panayam ng BANDERA kay Kyle kamakailan,nagkuwento siya tungkol sa experience niya working with Janice de Belen na gumaganap na nanay niya sa “Roja.”

Natanong namin siya kung na-intimidate ba siya sa mga eksena niya with the award-winning actress sa “Roja.”

“I wouldn’t say it’s too much intimidation, but I always have a high level of respect talaga when it comes in meeting these veteran actors.

“For some reasons, they are so approachable specially nakatrabaho ko na si Mommy Janice. May effort siya para mag-build ng relationship sa akin kaya hanggang ngayon, ‘Mama Janice’ pa rin ang tawag ko sa kanya,” aniya pa.

Ang “Roja” ay mula sa direksyon nina Lawrence Fajardo, Rico Navarro, Andoy Ranay, at Raymund Ocampo.

Huwag palampasin ang simula ng matinding bakbakan sa “Roja” gabi-gabi ng 8:45 p..m sa Netflix (November 21), iWant (November 22), at sa Kapamilya Channel, A2Z, TV5, at Kapamilya Online Live (November 24). 

The post Kyle Echarri feeling anak ni Janice; best actor award inialay kay Deo Edrinal appeared first on Bandera.

Source: The Daily Feed