Solenn nagka-‘black eye’ dahil sa anak: ‘Mother’s Day gift by Maelys!’

PHOTO: Instagram Stories/@solenn

TILA isang “special gift” ang nakuha ni Solenn Heussaff nitong Mother’s Day celebration mula sa kanyang anak.

Siya ay nabigyan ng black eye!

Nakakaloka ang nangyari, pero nilinaw ni Solenn sa isang social media post na aksidente lamang ang nangyari.

Sa Instagram Stories, ibinandera ng celebrity mom ang picture na ipinapakita ang isang mata na nangingitim sa pasa.

Baka Bet Mo: Solenn Heussaff bakit nga ba ‘missing in action’ sa social media?

“To those asking, no biggie. This was a Mother’s Day gift by Maelys. Haha,” sey ni Solenn.

Ang kwento niya, “Accident head butt while sleeping.”

“Next time I’ll sleep with a helmet,” biro pa ni Solenn.

PHOTO: Instagram Story/@solenn

Sa isa pang post, makikita naman ang mata ng aktres na nagkulay ube at naninilaw na ang ilang bahagi ng kanyang black eye, na senyales na gumagaling na ito.

At siyempre, dahil na rin sa makeup ay naitago niya nang maayos ang black eye.

“There we go. That looks better,” masaya pa niyang sinabi, habang ibinabandera ang kanyang bagong fresh look.

PHOTO: Instagram Stories/@solenn

Bukod kay Maelys, may isa pang anak si Solenn at ang mister niyang si Nico Bolzico –si Thylane. 

Matatandaang ikinasal ang dalawa noong 2016, at mula noon ay kinagigiliwan na sila bilang #CoupleGoals ng maraming netizens.

Si Thylane ay ipinanganak noong January 2020, habang si Maelys naman ay dumating noong December 2022. 

Last year, lumipat na ang pamilya sa kanilang bagong dream home.

Si Solenn, na unang sumabak sa showbiz matapos sumali sa “Survivor Philippines” noong 2010, ay mas lalong sumikat sa kanyang pagganap bilang Cassiopea sa fantasy series na “Encantadia.”

At good news nga riyan, balik-Etheria na naman si Solenn! 

Inaasahan na siyang muling gaganap sa inaabangang Encantadia spin-off na “Sang’gre.”

The post Solenn nagka-‘black eye’ dahil sa anak: ‘Mother’s Day gift by Maelys!’ appeared first on Bandera.

Source: The Daily Feed