Rhaila Tomakin ‘good friend’ lang si Kobe, sey kay Kyline: I wish her all the best!

Kobe Paras, Rhaila Tomakin, Kyline Alcantara

MAGKAIBIGAN lang daw ang basketball player na si Kobe Paras at ang pinaniniwalaang “mystery girl” nito na si Rhaila Tomakin.

‘Yan ang inamin mismo ni Rhaila sa TikTok post ng record label na O/C Records kamakailan lang.

Siya kasi ang tinutukoy ng maraming netizens na bagong girl umano ni Kobe na nahuling ka-holding hands habang magbakasyon sa Bali, Indonesia.

Mapapanood na ini-interview ng ilang reporters ang dalaga at diretsahan siyang tinanong kung ano ang real score nila ni basketbolista.

Baka Bet Mo: Babae sa viral video na kuha sa condo ni Ricci hinamon ng netizens na lumantad na, pinayuhang magreklamo kung walang kasalanan

Ang sagot ni Rhaila: “Kobe is such a great guy and a very good friend, but that’s about it.”

May nag-usisa at nanigurado pa kung magkaibigan lang talaga ang dalawa.

Ang giit ni Rhaila, “Yeah, we’re friends.”

Nang tanungin naman siya tungkol sa ibinibintang ng ilang fans na siya raw ang third party umano sa hiwalayang Kobe at Kyline Alcantara.

“Gets ko naman ‘yung mga tao, like, how easily it can be misunderstood. And I don’t want to invalidate anyone’s feelings kasi as Filipinos, we have that three month rule kind of thing,” sambit niya.

Paliwanag pa niya, “It’s 2025 now guys and we have same day delivery now and it’s not international shipping anymore…But for me personally, I wasn’t really trying to insert my feelings or hurt anyone’s feelings.”

“It was just a matter of the same place, same time, we have this simple moment and I don’t read too much into it,” aniya pa.

@ocrecordsph @rhaila_xx clarifies her relationship with Kobe Paras #Rhaila ♬ original sound – O/C Records

Sa hiwalay na post, inamin ni Rhaila na hindi niya kilala si Kyline: “Because I grew up in Dubai and I don’t really watch –laki akong Disney Channel, Nickelodeon, Cartoon Network.”

Gayunpaman, ang mensahe niya raw sa aktres: “I wish her all the best, I wish her more projects, more love, more happiness.”

Dagdag pa niya, “Grabe, people are so critical with women, so I wish her all the best because at the end of the day, we have our own blessings. Like, I wish her blessings in the world and I have my own.”

@ocrecordsph @rhaila_xx ‘s message to Kyline #Rhaila ♬ Bite – Rhaila

Magugunitang nagsimula ang chikang naghiwalay na sina Kyline at Kobe nang mapansin ng fans na naka-unfollow na sila sa isa’t-isa sa Instagram.

Kasunod niyan ang viral pictures ni Kobe na may ka-holding hands na ibang babae sa Bali.

Kasunod niyan ay nag-trending na nga si Rhaila matapos mapansin ng netizens ang isa sa mga posts niya na may parehong background ng naging post ni Kobe sa IG.

Tila kuha ang mga litrato sa sinasabing nirentahang Airbnb na bahay sa Bali.

Para sa mga hindi pa nakakakilala kay Rhaila, siya ay isang singer under ng O/C Records na pagmamay-ari ng celebrity couple na sina Kean Cipriano at Chynna Ortaleza.

The post Rhaila Tomakin ‘good friend’ lang si Kobe, sey kay Kyline: I wish her all the best! appeared first on Bandera.

Source: The Daily Feed