Aga Muhlach proud tatay, naiyak dahil sa tagumpay nina Andres at Atasha

Aga Muhlach, Andrea at Atasha Muhlach

EMOSYONAL ang premyadong aktor at showbiz icon na si Aga Muhlach dahil sa mga bonggang achievements ng mga anak sa showbiz industry.

Inamin ng proud tatay na hindi niya mapigilan ang maluha para sa anak nilang kambal ni Charlene Gonzalez na sina Atasha at Andres Muhlach.

Sa kanyang Instagram post, binati at nagbigay ng message si Aga para kay Andres na tumanggap ng kamyang first-ever award sa mundo ng showbiz.

Nagwagi ang binata bilang Best New Male TV Personality sa katatapos lamang na 38th PMPC Star Awards for Television para sa sitcom ng kanilang pamilya sa TV5, ang “Pers Family.”

“Blessings coming your way, son. Keep up the good work. God be with you always. Always remember, His plans not ours. Congratulations!!! Proud of you!  Love you, man!” ang caption ni Aga sa ibinahagi niyang litrato ng anak sa IG.

Sa kanyang acceptance speech, sinabi ni Andres na, “Two years ago, I received an award on behalf of my father, at aaminin ko na that time sobrang kinakabahan talaga ako.

 

View this post on Instagram

 

A post shared by Aga Muhlach (@agamuhlach317)

“At two years later, nandito ako receiving my first award, at syempre kinakabahan pa rin ako,” saad pa ng binata.

“I’d also like to thank my family, my father who was also an inspiration to me, my mom who continues to help me every single day, and of couse my sister who I love so much,” dagdag na mensahe pa ng twin brother ni Atasha.

Hindi rin nakalimutan ni Aga na mag-shoutout para kay Atasha na nabigyan na rin ng lead role sa Philippine TV adaptation ng 2017 hit Thai series na “Bad Genius.”

Aniya, super proud din siya sa alagang anak dahil unti-unti na nitong natutupad ang kanyang mga pangarap bilang aktres.

“What more can I ask for?? My dear Atasha, I am so happy for both you and your brother. Makes me really tender.”, saad niya sa post.

“Maraming salamat mahal na panginoon. congratulations Atasha for your 1st !! BAD GENIUS !! Let’s go!!!” sey ni Aga.

Nag-post din ang nanay ni Tash na Charlene sa Instagram para batiin si Atasha  at si Andres at pasalamatan ang lahat ng mga sumusuporta sa mga ito.

“Habang buhay kayo na nasa puso namin kayo. We love you all and we thank (you) from the bottom of our hearts. All for God’s glory,” ang caption ni Charlene sa kanyang IG post.

Binati rin ng Viva Artist Agency ang kanilang mga talents, “Andres Muhlach, you did it! Congratulations on winning the BEST NEW MALE TV PERSONALITY at 38th PMPC Star Awards for Television for Da Pers Family! Your hard work and dedication truly paid off. Your VAA family is proud of you.”

The post Aga Muhlach proud tatay, naiyak dahil sa tagumpay nina Andres at Atasha appeared first on Bandera.

Source: The Daily Feed