BALIK-STUDIO na sa GMA 7 ang programang “Wowowin: Tutok to Win” ni Willie Revillame dahil nasa Alert Level 2 na ang Metro Manila.
Kaya nagpaalam na si Willie kahapon, Biyernes na huling araw na nila sa Tagaytay City dahil balik studio na sila.
Samantala, klinaro ng taong malapit kay Willie na si Nanay Cristy Fermin na hindi iiwan ng TV host ang GMA 7 dahil kaka-renew lang nito ng kontrata sa kanila para sa programa nitong “Wowowin: Tutok to Win”.
View this post on Instagram
“Last November (2021) siya pumirma. Lilipat na sila sa GMA studio sa Monday,” mensahe ni ‘nay Cristy sa amin nang tanungin namin kung iiwan na ng TV host ang Kapuso network at lilipat na sa Villar channel na ipinagkaloob ng National Telecommunications Commission o NTC ang frequency ng ABS-CBN.
Ang sagot ni ‘nay Cristy, “Hindi pa naman makapag-ere ang mga Villar, frequency lang ang nakuha nila.”
Hayun, maliwanag na hindi aalis ang WBR Productions sa GMA 7 na co-prod sa programang “Wowowin” at base rin sa pagkakaalam namin ay loyal si Willie sa mga taong naniniwala at loyal din sa kanya.
Hindi siya basta umaalis ng walang matinding dahilan dahil tumatanaw siya ng utang na loob sa mga taong nakatulong sa kanya noong nagsisimula siya at ngayon ay ibinabalik niya sa mga taong nangangailangan ang mga blessings na natatanggap niya.
Related Chika:
Willie umaming nalugi ng P140-M dahil sa ‘Wowowin’
Vhong isa sa mga artistang natulungan ni Willie; lamang-loob ng manok ang handa sa birthday
The post Willie Revillame hindi iiwan ang GMA, ayon kay Cristy Fermin appeared first on Bandera.
Source: The Daily Feed
Post a Comment
0 Comments