Joheirry Mola Dominguez ng Dominican Republic wagi bilang Miss World 2026

ITINANGHAL ang pambato ng Dominican Republic na si Joheirry Mola Dominguez ng bilang Miss World 2026 sa nagdaang coronation night nitong Sabado ng gabi, September 5, sa Nha Trang, Vietnam.

Pumangalawa si Elisabeth Reynés Alaber ng Spain, habang nagtapos sa ikatlong puwesto si Taanusiya Chetty ng Malaysia.

Umabante rin sa Top 6 si Lê Nguyễn Bảo Ngọc ng Vietnam, na kumatawan sa host country.

Baka Bet Mo: Asia Rose Simpson bigong makasama sa Top 6 ng Miss World 2026

Nasungkit ni Dominguez ang korona matapos mapa-wow ang madla sa sagot sa final question-and-answer round, kung saan tinanong ang mga finalist tungkol sa kanilang mga adbokasiya para sa Beauty With a Purpose.

“Which Beauty With a Purpose cause have you supported in your country, and how would you improve it if you were crowned Miss World?” tanong sa Miss World 2026 finalists.

“My Beauty With a Purpose is to take English programs to kids in vulnerable communities, because I believe that when they know this language, the opportunities, the doors that can open to their life, it’s huge, big doors,” sagot ni Dominguez.

Inilarawan din niya ang English bilang isang kasangkapan na nagbigay-daan sa mga contestant na maipahayag ang kanilang mga saloobin at layunin sa entablado ng Miss World.

“For me, it’s something that I will take always in my heart, that I could give those kids… something very important. It’s a tool they’re gonna work [with] for the rest of their life,” dagdag pa ni Dominguez.

Nagtapos naman ang journey ng pambato ng Pilipinas na si Asia Rose Simpson sa Top 12.

Nananatiling tanging Miss World titleholder ng Pilipinas si Megan Young, matapos niyang gumawa ng kasaysayan bilang kauna-unahang Filipina na nagwagi sa titulo noong 2013.

The post Joheirry Mola Dominguez ng Dominican Republic wagi bilang Miss World 2026 appeared first on Bandera.

Source: The Daily Feed