NAGING bukas ang Kapuso actress na si Heart Evangelista patungkol sa kung anong klase ng asawa ang kanyang pipiliin.
Mainit kasing pinag-usapan noong nagdaang weekend ang tanong sa kanyang game show na “The People Have Spoken” na: “Mas pipiliin mo ba ang asawang: maraming bisyo pero masipag o walang bisyo pero tamad?”
Ang mga guests ni Heart na Team MikWill (Mika Salamanca at Will Ashley) ay pinili ang “walang bisyo pero tamad” habang ang Team EdShai (EA Guzman at Shaira Diaz) naman ay “maraming bisyo pero masipag” ang sagot.
“Pero ‘yung asawa ko ay wala siyang bisyo. Hindi siya mabisyo. Masipag po,” nakatawang paglilinaw ni Shaira Diaz.
Baka Bet Mo: Bea Alonzo kinilig sa surprise visit ni Heart Evangelista matapos ang kasal
Ang kasamahan naman ni Heart na si celebri-peep Janeena Chan, mas gusto ang walang bisyo pero tamad na asawa.
“Importante kasi ‘yung foundation. Kaya doon ako sa walang bisyo pero tamad… for now. Tatlo lang ang pangontra diyan. Number one, motivation. Number two, direction. At number three, incentives,” sey ni Janeena.
“Wala namang sinabi kung ano’ng bisyo. Malay mo, ang bisyo ay trabaho!” banat naman ni James Caraan.
Samantala, sumang-ayon naman si Heart na mas ok piliin ang asawang maraming bisyo pero masipag.
“Ang tamad, tamad kahit anong mangyari. Ang hirap kasama kapag pabigat ‘yung tao. Ako may bisyo ako.
“Bisyo ko shopping, pero kung magtrabaho ako, nahihimatay, naoospital– everything, para mabili ko ‘yng gusto ko. So wala naman akong sinasaktan nang dahil do’n. So agree ako doon. Tamad is tamad. X ‘yun sa akin,” litanya ni Heart.
Sa naturang round, panalo ang Team EdShai dahil may 86% votes mula sa People ang kanilang sagot.
The post Heart Evangelista ayaw sa asawang tamad: X ‘yun sa akin appeared first on Bandera.
Source: The Daily Feed
Post a Comment
0 Comments