CinePanalo 2025 tagumpay; 2 Hiligaynon movie humakot ng awards

HUMAKOT ng tropeo ang dalawang Hiligaynon films sa 2nd CinePanalo Film Festival awards night nitong March 19, 2025, sa The Elements, Eton Centris, Quezon City.

Ang pelikulang “Tigkiliwi” ay nakapag-uwi ng pitong award sa Puregold CinePanalo 2025: Panalong Aktres para kay Ruby Ruiz, Panalong Aktor si JP Larroder, Panalong Pangalawang Aktor naman si Jeffrey Jiruma at Panalong Pangalawang Aktres para kay Gabby Padilla.

Naka-tie ng child star na si JP Larroder sa Panalong Aktor si Khalil Ramos para naman sa pelikula nitong “Olsen’s Day.”

Ang dalawa pang award ng “Tigkiliwi” ay ang Panalong Kwento o Best Screenplay na ibinigay sa direktor din nitong si Tara Illenberger, at Panalong Ensemble para sa lahat ng cast members ng movie.

Bukod dito, ang Tigkiliwi rin ang nanalo ng Panalong Karangalan mula sa Mga Hurado.

Apat na award naman ang natanggap ng isa pang Hiligaynon film na “Salum” kabilang na ang Pinakapanalong Pelikula mula sa direksyon ni Direk TM Malones with P250,000 cash prize.

 

View this post on Instagram

 

A post shared by Khalil Ramos (@khalilramos)

Winner din ang “Salum” bilang Panalo sa Production Design (Kyle Fermindoza), Panalo sa Sound Design (Fatima Nerikka Salim at Immanuel Verona), at Panalo sa Musical Scoring (Armor Rapista).

Sa kategoryang Panalo sa Cinematography nagtabla ang Journeyman para kay Dominic Lat at Olsen’s Day ni Kara Moreno habang ang Panalo sa Editing ay ang Co-Love para kay Vanessa Ubas de Leon.

Anim na award ang naiuwi ng “Journeyman” na pinagbibidahan ni JC Santos bilang boksingero. Ito ay ang sumusunod: Panalo sa International Jury, Puregold Always Panalo Film (katabla ang Fleeting), MTRCB Responsableng Paglikha, Panalo sa Cinematography (katabla ang Olsen’s Day), Panalo sa Brand Intrusion, at Panalo sa Film Poster.

Apat na tropeyo rin ang napanalunan ng “Olsen’s Day”, Panalong Aktor (Khalil Ramos, katabla si JP Larroder ng Tigkiliwi), Panalong Direktor (JP Habac), Mowelfund’s Special Citation, at Panalo sa Cinematography (katabla ang Journeyman).

Tatlo ang award ng “Co-Love” nina Alexa Ilacad, Jameson Blake at KD Estrada: Panalo sa Mga Manonood, Panalo sa Editing (Vanessa Ubas de Leon), at Panalong Awitin (Di Ko Pinili by Kiko Salazar, performed by Chie).

Nakapag-uwi naman ng isang tropeo ang “Fleeting” starring RK Bagatsing and Janella Salvador: Puregold Always Panalo Film (katabla ang Journeyman).

Sa Student Shorts, wagi ang Mindanaoan film na “Champ Green” bilang Best Short Film na may cash prize na P100,000.

Limang award ang nakuha ng “Champ Green”: Panalong Maikling Pelikula, Panalong Pangalawang Aktor (Sol Eugenio), Panalo sa Kwento, Panalo sa Brand Intrusion (may dagdag na P25,000), at Mowelfund Special Citation.

Win din ng Panalo sa Brand Intrusion ang short film na “G!”, habang tie naman ang “Checkmate” at “Taympers” bilang Pinakapanalong Promosyon ng Pelikula.

Lima ang tropeyo ng “Uwian”: Panalong Direktor (Vhan Marco Molacruz ng Colegio de San Juan de Letran), Panalo sa Musical Scoring, Panalo sa Production Design, Panalong Aktres (Geraldine Villamil), at Panalong Pangalawang Aktres (Uzziel Delamide).

“The Puregold CinePanalo Film Festival will always be fueled by a deep love for the art of cinema, and an even deeper ambition to show what Philippine talent and passion has to offer,” sabi ni Festival Chair Ivy Hayagan-Piedad.

“With the CinePanalo having reached a successful second edition, the possibilities are now endless. We can’t wait for all the wonderful films yet to grace the Puregold CinePanalo in all the years to come,” dagdag pa niya.

“Salum”, “Champ Green”, and all the other full-length and student short films of the CinePanalo Film Festival 2025 will continue to screen exclusively at the Gateway Cineplex 18, Cubao, Quezon City until the closing of the festival on March 25.

Regular tickets are P250, with discounts available for students, PWDs, seniors, Tindahan ni Aling Puring, and Perks Card members for P200. Meanwhile, festival passes for the entire experience cost P2,000, granting holders entrance to all official movie entries.

The post CinePanalo 2025 tagumpay; 2 Hiligaynon movie humakot ng awards appeared first on Bandera.

Source: The Daily Feed