Vice Ganda at Ion Perez
HINDI paplanuhin ng Phenomenal Box-office Star na si Vice Ganda sakaling magdesisyon siyang pasukin na rin ang mundo ng politika.
Ito ang naging pahayag ng TV host-comedian nang matanong kung may posibilidad ba na sumabak din siya sa public service tulad ng maraming sikat na celebrities.
Sa panayam sa kanya ng dating manager at content creator na si Ogie Diaz para sa kanyang “Showbiz Updates” YouTube channel, nabanggit ni Vice na kung kakandidato siya ay hindi niya ito paplanuhin.
“Parang hindi ko siya mapaghahandaan. Parang sabi nga nila, calling. Kapag naramdaman mo, naramdaman mo. Ni hindi ko nga siya paplanuhin.
Baka Bet Mo: Angeline ilang beses nang inalok na sumabak sa politika: Why not? Pero…
“Kaya kapag may nagtatanong nga sa akin ‘di ba, niloloko ko. Sabi ko, ‘ayaw ko niyan ang baba (ng posisyon). Gusto ko presidente agad!’” sabi ni Vice.
At kapag dumating na raw yung panahong kakandidato siya, hindi siya mangangampanya at never siyang gagastos para rito. Pinaghirapan daw kasi niya ang lahat ng kinita sa showbiz.
View this post on Instagram
“Hindi ako mangangampanya. Magpa-file ako ng candidacy tapos gagawa akong vlog. ‘Tatakbo po ako ito po ‘yung mga plataporma ko. Kung bet n’yo kong iboto, go. Kung hindi, okay lang din.’ Pero joke lang ‘yun,” sey ng komedyante.
Pero sa totoo lang daw, hindi pa niya talaga nai-imagine ang sarili na nasa politika pero ayaw din niyang magsalita nang tapos dahil baka kainin lang niya ang kanyang sinabi.
Ilang beses nang nabalita na maraming nanliligaw na mga political group kay Vice para tumakbo sa eleksyon pero lahat ng ito ay tinanggihan niya.
The post Vice Ganda sa pagsabak sa politika: Gusto ko presidente agad! appeared first on Bandera.
Source: The Daily Feed
Post a Comment
0 Comments