Rei Tan, Maja Salvador, Rambo Nuñez at Baby Maria
SAKSI si Rambo Nuñez sa lahat ng paghihirap at pagsasakripisyo ni Maja Salvador noong ipinagbubuntis ang panganay nilang anak na si Maria.
Talaga raw matindi ang pinagdaanan ng actress-dancer habang nagdadalang-tao kaya naman todo ang pasasalamat nila sa Panginoong Diyos na ligtas at malusog niyang naisilang ang anak.
Kuwento ni Maja nang humarap siya sa press para sa muli niyang pagpirma bilang ambassador ng Beautéderm na pag-aari ni Ms. Rei Anicoche-Tan, nakita ni Rambo ang lahat ng hirap niya sa panganganak.
Nataranta nang bonggang-bongga ang asawa at hindi alam kung ano ang puwedeng gawin habang nagle-labor siya kay Maria.
“May mga ano pa nga ako kay Rambo e, ‘Pag kailangan mong mamili, yung bata, ha?’ May ganu’n pa ako. Hindi naging madali, pati si Rambo yung experience namin, sabi ng asawa ko.
“Na-post ko naman po, updated naman kayo sa nangyari. Sabi ng asawa ko, if yun nga, kung ayaw ko na raw magbuntis, okay lang, kasi nakita niya yung hirap ko.
View this post on Instagram
“Yung parang ang sabi niya…si Rambo kasi yung laging parang nagagawan niya ng paraan ang lahat. Yung parang may sagot siya sa lahat.
“Pero nu’ng time na yun, sobrang helpless siya, na parang wala talaga siyang magawa. Tapos bitbit niya yung anak namin. Tapos, nakikita niya na lahat ng mga nurses and doctors ginagawa [ang lahat para maging okay ako.
“Tapos sabi niya, ‘Kung ayaw mo, okay lang, naiiintindihan ko.’ Pero pagtingin ko du’n sa bassinet, ‘Ay! Gusto ko pa!’ Ang cute ng anak ko, e!” natatawang chika ni Maja.
Sabi ni Majs, handa na siya uling magbuntis, “Gusto ko na sundan, kasi 37 (years old na ako). E, pumirma ako ng kontrata, bawal pa pala. Siyempre magwo-work muna ako.
“So, kahit gusto kong sundan kaagad, e, magwo-work na lang muna ako kasi na-miss ko din naman po,” aniya.
Sa tanong naman kung nagkaroon siya ng fear factor na mawala sa limelight nang mabuntis at manganak siya, “Hindi sa natakot. Kahit wala akong teleserye or pelikulang ginagawa, ang laking bagay na kasi ng social media.
“Hindi ako natakot kasi siguro ready akong magpakananay at maging isang asawa. Ang tagal kong dinasal na magkaroon ng sariling pamilya at maging isang nanay, at ibinigay sa akin. Napakasuwerte ko lang din po talaga na may mga nagtitiwala pa rin sa akin. Ang pinaka nami-miss ko ay ‘yung umarte,” paliwanag ni Maja.
Samantala, ngayong nanay na siya, always niyang inaalala ang mga payo sa kanya ng ina, “Laging mabuting tao ka lang, kasi yun ang makikita at makikita ng anak mo.
“Which is yung nanay ko, sobrang bait nu’n, sobrang bait. Hindi niya kasi kayang magalit. Kahit napupuno na siya, iiyak lang siya,” sey ng aktres.
Abot-langit din ang pasasalamat ni Maja sa lahat ng kanyang mga kaibigan na gumagabay sa kanya ngayong ina na rin siya. Kabilang na riyan ang CEO at President ng Beautéderm kingdom na si Ms. Rhea Anicoche-Tan.
Parang tunay na magkapatid na raw ang turingan nilang dalawa. Ang palaging advice raw sa kanya ni Ms. Rhea, “Namnamin mo araw-araw, oras-oras (ang pagiging ina).
“Yung mga first niya (Marial i-record mo lahat. Yung ‘mama’ niya, unang lakad niya, yung ihahatid mo siya sa school. Walang kasingsarap maging nanay. Yun yung best na nangyari sa buhay ko, maging isang nanay,” ani Ms. Rei kay Maja na five years nang ambassador ng matagumpay niyang beauty company.
The post Hirit ni Maja kay Rambo nang manganak: Pag kailangang mamili, yung bata, ha! appeared first on Bandera.
Source: The Daily Feed
Post a Comment
0 Comments